بسم الله نبتدى ,,,
كب كيك قوس قزح
المقادير
كيك جاهز العشر دقايق
ده متوافر بجميييييع السوبر ماركت
ألوان طعام ( أحمر - أصفر - أخضر - ازرق - برتقالي )
أو أي الوان تناسبك ودى متوافره زى مااتفقنا بجميع محلات
اللى بتبيع خامات وادوات الحلويات وسعرها مش غالى ( الالوان )
ومصرح به صحيا متقلقيش انتى وانتى بتشتريه اسالى الراجل على طريقه تحضيره هيه سهله
بس انا مجربتهاش قبل كده فى منه بودر وفى منه سائل جاهز عالطول
للتزيين
ممكن تستخدمى عجينه الفوندان السابق ذكرها باول الموضوع
وذكرنا طريقتها وممكن تستخدمى
الكريم شانتيه وممكن تستخدمى الحلويات الملونه بتاعه الاطفال
زى مثلا الشيكوبونى او المبلبس الصغير او شيكولاته الفورماسيه اكيد كلنا عارفينهم
وفى منهم متوافر بردو بمحلات خامات وادوات الحلويات
والسوبر ماركت الكبيره
هنا بالصوره صور للحلويات الملونه ووراها صور ورق الكب كيك الزبيديات
وتجيبى قالب الكب كيك علشان لما يدخل الفرن
ودى صورته وبيتباع عن اى محل بيبيع ادوات المطبخ
ويحافظ على شكل الكب كيك وده متوافر بمحلات ادوات المطبخ هتلاقيه مقسم لدواير
الطريقه
قومي بإعداد الكيك على حسب الطريقة المكتوبة خلف العبوة
قسمي الخليط على زبديات على عدد الأوان ( يعنى تقسمى خليط الكيكه على البولات الصغيره
ولكل بوله صغيره او طبق ليها لون محدد يتخلط بيه احمر او اصفر او ازرق )
قومي بوضع نقط من الأوان على الخليط لتحصلي على خليط كيك ملون
كما في الصورة
يعنى هتجيبى اطباق صغيره وتحطى فيها جزء من خليط عجينه الكيك
وتضيفى فيها نقطه من كل لون لكل طبق وتخلطيهم كويس
_ضعي ملعقة من كل لون في الأكواب الورقية ( ورقه زبديه الكب كيك
دى العشرين ورقه بجنيه من نفس البياع )بحيث تصبح طبقات من الألوان
تخبز بحسب ارشادات الخبز خلف العلبة
" يعنى هتجيبى قالب الكب كيك وتوزعى على كل دايره ورقه زبديه وتحطى جواها
عجينه الكيك الملونه وممكن بوسط العجينه بالنص تحطى لمسه منك حسب الرغبه
ممكن تحطى كريم شانتيه او شيكولاته سايله وتكملى بقيت الكيكايه فوقيها "
دى بقى لما هتحطى لكل ورقه كب كيك حته من كل لون هيتخلطو ببعض وهيبقو زى الصوره
كده شبه قوس قزح وتزين بالكريمه والحلويات
وممكن تعملى لكل كب كيك لون لوحده زى كده
وممكن تزوقيه بالفوندان زى كده
وممكن تحطى عليه شيكولاته وعليه وحده فاكهه
